Тонг саҳарда эндигина кўз очган япроқнинг юзида томчилар пайдо бўлганди. Хали хеч ким билан дўстлашмаган барг шудрингга сўз қотди, ишқи тушди. У билан узоқ-узоқ суҳбат қурди. Кўнглини ёзди…
Шабнам доимгидек эрта турди-да, боғлари томон ошиқди. Жажжигина нигоҳлари билан япроқларга “ўрнашиб” олган шудрингларни завқ ила кузатарди. Унинг ҳам хаёллари шу сув томчиларидай беғубор ва тиниқ. У ўрнидан қўзғалаётган бобоси мийиғида жилмайганча, кўз қири билан кузатиб қолганди.
Республикамиз нашрларининг аксариятида компютер ўйинларининг ёшлар тарбиясига зарарлиги, уларнинг онгини захарлашлари хақидаги мақолалар бот-бот эълонқилинмоқда. Биз ҳам айни шу мавзуга тўхталишга қарорқилдик.
Кунларнинг бирида ўқишдан уйга қайтаётгандим. Мендан сал олдинда 8-9 ёшлардаги икки бола суҳбат қуриб кетарди. Бири иккинчисига қараб:
- Компютер ўйнашни мана мендан ўрган. Бронжилет олсанг “Kontr strike”да ютказмайсан – деди.
- Ақл ўргатмасангчи. Мен “калашников” олиб сени мўлжалга олсам, бронжилетинг ҳам ёрдам бермайди.
- Хозир гапимни исботлайман. Қара, агар бронжилетсиз ўқ тегса 33 % жонинг қолади тўғрими? Бронжилет билан ўқ тегса 80 % жонинг қолади, тушундинг.
“… Очиқ сочиқ юбкаси дор,
У ёна гидир, бу ёна гидир…”
Хали тили чиқиб улгурмаган жияним қўшиқ айтиб кутиб олди. Устимдан бир челак совуқ сув тўкилиб кетгандай этим увушиб кетди. Негаки, қўшиқнинг асл моҳиятини тушунмаган, тушуниш тугул ҳали узуқ-юлуқ гапирадиган боладан чиқган “мазмундор” оҳангни қаранг-а. Исмини сўрасангиз, индамайди, ёшини сўрасангиз билмайди. Аммо… Келинг мана шу “аммо”лар ҳусусида.
Биз болалик давримизда кўчада копток тепиб ёинки беркинмачоқ ўйнаб катта бўлганмиз. Шунинг учунми ёшлик сурурини туйганмиз, ҳис қилганмиз. Бугунги давр болакайларига (уларни болакай деб аташнинг ўзи нотўғри. Негаки, мендан кўра улар кўп нарсани билади) “Беркинмачоқ ўйнамайсанми?” десангиз балога қоласиз. Гап келганда отасини ҳам аямайдиганлар суяксиз қуролларини сизга ўқталиб, “ўт” очишади. “Нима мен сизга ёш боламанми? Ундан кўра компютер ўйнайман. Зўр отишма ўйин бор. Сиз ҳам бир ўйнаб кўринга, кейин хеч кимдан беркинмайдиган бўласиз”. Айни шу ўйинларни ўйнагандан кўра бир умр беркиниб яшаганим минг чандон яхшироқ. Бу мавзу хусусида кўп тўхталишди. Шу сабабли чуқурроқ ёндошмадим.
